அப்புறம் எடுத்துக்கலாம்ல...— ₹10 லட்சத்தை பறிகொடுத்த ஒரு நிஜக்கதை!

வணக்கம் நண்பர்களே! இது என்னோட முதல் பிளாக் போஸ்ட்.

என் தொழில் வாழ்க்கையில நான் பார்த்த, என்னை ரொம்பவே யோசிக்க வச்ச ஒரு உண்மையான சம்பவத்தை இன்னைக்கு உங்ககூட பகிர்ந்துக்க விரும்புறேன்.

நம்மில் பல பேர் **"எனக்கு என்ன ஆகப்போகுது?", "அப்புறம் பாத்துக்கலாம்"** அப்படின்னு தள்ளிப்போடுற ஒரு விஷயம் தான் — **ஹெல்த் இன்சூரன்ஸ் (Health Insurance)**. அந்த அலட்சியம் ஒரு குடும்பத்தின் சேமிப்பை எப்படிப் படிப்படியாகக் கரைக்கும் என்பதற்கு இந்தச் சம்பவமே சாட்சி.

## 15 வருடங்களுக்கு முன் தொடங்கிய பயணம்...

என் வீட்டுக்கு பக்கத்துல இருக்குற ஒரு நண்பர்/கிளைன்ட். அவருக்கு இப்போ வயது 48, மனைவிக்கு 45. ரெண்டு பிள்ளைகள் கல்லூரி படிக்கிறாங்க.

சுமார் 10 வருஷத்துக்கு முன்னாடி, அவங்க குடும்பம் முழுமைக்குமான மெடிக்கல் இன்சூரன்ஸ் பத்தி என்கிட்ட கேட்டிருந்தாரு. அப்போ அவங்க குடும்பத்துக்கே சேர்த்து ஒரு வருஷத்துக்கு **₹20,000 முதல் ₹25,000** குள்ள தான் பிரீமியம் வந்திருக்கும்.

ஆனா, *"சீக்கிரம் எடுத்துடுறேன் சார்"* அப்படின்னு சொன்னவர், அதைத் தள்ளிப்போட்டுட்டே இருந்தாரு. வாக்கிங் போறப்போவெல்லாம் பாப்பேன், "அடுத்த மாசம் பண்ணிடுறேன்"னு சொல்லுவாரு.

## வரிசையாக வந்த மருத்துவச் செலவுகள்!

காலம் கடந்தது... ஆனா அவசர மருத்துவத் தேவைகள் அவரைத் தேடி வரத் தொடங்கின:

 * **8 வருடங்களுக்கு முன் (மனைவியின் அறுவை சிகிச்சை):**

   அவர் மனைவிக்கு யூட்ரஸ் அறுவை சிகிச்சை செய்ய வேண்டி வந்தது. அப்போ எனக்கு கால் பண்ணி *"இப்போ உடனே இன்சூரன்ஸ் எடுக்க முடியுமா?"*னு கேட்டாரு. "அறுவை சிகிச்சை முடிவெடுத்த பிறகு எடுக்க முடியாது சார்"னு சொன்னேன். தெரிஞ்ச ஹாஸ்பிட்டல்ல பேசி கம்மியான செலவுல அறுவை சிகிச்சை பண்ணி கொடுத்தோம். அப்போ ஆன செலவு: **₹60,000**.

 * **தீபாவளி பண்டிகை விபத்து:**

   ஒரு தீபாவளி அன்னைக்கு வெடி வெடிக்கும்போது கை காயம் அடைந்து ஹாஸ்பிடல்ல அட்மிட் ஆனாரு. அப்போ ஆன செலவு: **₹40,000**. அப்பவும் போன் பண்ணி *"இன்சூரன்ஸ் இருந்தா கிளைம் பண்ணிருக்கலாமா?"*னு கேட்டாரு. "ஆமா சார்"னு சொன்னேன். *"அய்யோ, தப்பு பண்ணிட்டேன், சீக்கிரம் எடுத்துடுறேன்"*ன்னாரு.

 * **அப்பாவின் பைபாஸ் சர்ஜரி:**

   கொஞ்ச நாள்ல அவரோட அப்பாவுக்கு ஹார்ட் பிரச்சனை வந்து பைபாஸ் சர்ஜரி பண்ண வேண்டியதாயிடுச்சு. அப்பவும் அதே கேள்வி... *"இப்போ இன்சூரன்ஸ் போட்டா இந்த சர்ஜரியை கவர் பண்ண முடியுமா?"* நிச்சயமாக முடியாது! அந்தப் பெரிய தொகையையும் அவரே கையில இருந்து செலவு பண்ணாரு.

 * **பிள்ளைகளின் கல்லூரி கட்டணம்:**

   கொஞ்ச நாள் கழிச்சு கேட்டப்போ, *"பிள்ளைகள் ரெண்டு பேரும் காலேஜ் படிக்கிறாங்க, ஃபீஸ் கட்டவே சிரமமா இருக்கு. அப்புறம் எடுக்குறேன்"*ன்னாரு.

## சமீபத்தில் நடந்த அதிர்ச்சி!

சமீபத்துல அவருக்கு திடீர்னு நெஞ்சு வலி வந்து ஹாஸ்பிடல்ல அட்மிட் ஆனாரு. இருதயத்துல அடைப்பு (Block) இருந்து ரெண்டு 'ஸ்டென்ட்' (Stent) வச்சிருக்காங்க. இப்போ இந்த ஒரு ட்ரீட்மென்ட்டுக்கு மட்டும் **₹3 லட்சத்துக்கு மேல** செலவாகியிருக்கு.

## கொஞ்சம் கணக்குப் போட்டுப் பார்ப்போமா?

> ஒரு வருஷத்துக்கு **₹25,000** பிரீமியம் கட்டுறதுக்கு யோசித்து, கடந்த 10-15 வருஷத்துல அவர் தன் சொந்தப் பணத்துல இருந்து மருத்துவமனைக்குக் கொடுத்த தொகை **₹10 லட்சத்திற்கும் அதிகம்!**

> 

வருஷம் ₹25,000 வீதம் 10 வருஷத்துக்குக் கட்டியிருந்தாக்கூட மொத்தம் **₹2.5 லட்சம்** தான் பிரீமியமா போயிருக்கும். ஆனா இன்சூரன்ஸ் இல்லாததால், ₹10 லட்சத்துக்கும் மேல இழப்பு!

## நாம் கற்றுக்கொள்ள வேண்டிய பாடம் என்ன?

 1. நோய் அல்லது விபத்து வந்த பிறகு இன்சூரன்ஸ் எடுக்க முடியாது. ஆரோக்கியமாக இருக்கும்போதே எடுக்க வேண்டியது தான் இன்சூரன்ஸ்.

 2. **இன்சூரன்ஸ் நமக்கானது அல்ல, நம் எதிர்காலத்துக்கானது:** மருத்துவ அவசரநிலை எப்போ வரும்னு யாருக்கும் தெரியாது.

 3. **சேமிப்பைக் காக்கும் கேடயம்:** நீங்கள் கஷ்டப்பட்டு சேர்த்த சேமிப்பை, ஒரே ஒரு மருத்துவமனை பில் மொத்தமாக அழித்துவிடும். அதைத் தடுக்கும் அரண் தான் ஹெல்த் இன்சூரன்ஸ்.

இன்னமும் "அப்புறம் பாத்துக்கலாம்"னு நினைக்கிறீங்களா? தயவுசெஞ்சு உங்களோட குடும்ப எதிர்காலத்தோட விளையாடாதீங்க. இன்னைக்கே உங்களுக்கான சரியான ஹெல்த் இன்சூரன்ஸைத் தேர்ந்தெடுங்க!

*உங்களுக்கு இந்த பதிவு பயனுள்ளதா இருந்தா, உங்க 

நண்பர்களுக்கும் ஷேர் பண்ணுங்க!*